Ghiti, Stele e i lôr amîs a rivin a Udin.

“O sin rivâts a Udin, une piçule citât che e scuint tancj puescj une vore biei! Nô besteutis i stin lontanis parcè che li al è a stâ un Drâc!” ur dîs a ducj Bolp

“Ce pôre! Un Drâc cu lis alis, cu lis flamis e dut il rest?” e domande Stele spauride

Un ronâ ju ferme: “Roooooaaaar!”

“O crôt propit che al sedi il Drâc!” e dîs Stele ai siei amîs, metintsi lis mans intai cjavei

“Al ven di Zardin Grant” e dîs Acuile.

Al è il Drâc che al vai in Zardin Grant, chê place che le clamin ancje Prin di Mai.

Al vai! Forsit se lu judarìn no nus spaventarà plui!” al sugjerìs Ghiti.

“Nô o sin Stele, Ghiti e i nestris amîs: parcè vaistu?” e domande Stele al Drâc

“Ce mâl! O ai un mâl di dincj che mi fâs deventâ mat” al rispuint il Drâc

“Forsit al è parcè che tu mangjis la int! No si fâs, tu lu sâs no mo?!!” i rispuint Ghiti

“No je vere! Ducj a pensin che jo o sedi trist ma o mangji dome caramelis!”

“Caramelis? Ma alore al è par chel che tu âs mâl di dincj! No si pues mangjâ dome dolçs”, i dîs Stele.

“Ma ce altri puedio mangjâ?” al domande alore il Drâc

“Cualchi volte o fâs la lichignose, ma o ai di dî che lis jerbis e lis pomis a son pardabon buinis!”

“Ooooh! No lu savevi! Di cumò indenant o speri che ducj a capissin che o soi bon!” al dîs il Drâc

“No sta a bacilâ! O sparnicìn nô la vôs e o visarìn ducj chei che o vin judât intal nestri viaç!” al dîs Ghiti fasint bocje di ridi

“Vignîtmi daûr amîs: li de ARLeF nus spiete un regâl alc e ce!”

Infin, dopo cheste aventure magjiche ator pal Friûl, Ghiti, Stele e i lôr amîs a fasin fieste ducj insiemi, balant e zuiant!