Ghiti, Stele, e i lôr amîs a rivin intes valadis dal Nadison.

“Lis valadis dal Nadison a son une tra lis zonis plui verdis dal Friûl: a son cuatri vals dutis dongje tra di lôr, tra une mont e chê altre, dulà che ducj i animâi a puedin vignî a zuiâ contents!”

e dîs Bolp cuant che e rive sul puest.

“Vie! Siò! No vuei altris visitadôrs”

e dîs une vôs sclendare che e rive di daûr di un arbul
“Ma nô o sin rivâts cumò!” al dîs Ghiti.
“E je la Krivapete! Une vecje un pôc ruspiose che e vîf bessole in chês vals maraveosis” e spieghe Bolp.

“O ai za avonde problemis cun chestis scarpis malandretis! No rivi a inlaçâmes”

e dîs jê rabiade. “Jo o sai cemût che si inlacin lis scarpis: se tu vuelis o pues insegnâti!” i rispuint Stele fasint bocje di ridi

No crôt che al sedi tant facil!” e dîs la Krivapete
“Parcè po? Nol è mighe tant complicât” e dîs Stele
“Parcè, parcè!!!

Parcè che o ai i pîts par ledrôs!” e bruntule la Krivapete

“Fat! Viodût ce facil?” e dîs Stele. Cumò lis coreis des scarpis de Krivapete a son strentis ben

“Provait a cjapâmi cumò! Ah Ah Ah” e dîs la Krivapete, ridint e saltant di ca e di là

*tuf tuf* “Mi rint, o soi esauride” e dîs la strie sfladant

“Amîs, cjalait! La mape si è iluminade cuntune altre filastrocje! E dîs: Invisibil, scuindût e imboscât, un piçul amì al cîr aiût imediât”

e dîs Bolp

“Spesseìn a tornâ a partî, a un amì i covente di jessi judât! Alore, mandi mandi!”

e dîs Stele saludant la Krivapete
“Mandi e graciis ancjemò, amîs miei! O sês stâts pardabon zentîi cun me” e rispuint jê legre e contente, cjalantju tornâ a partî par une altre aventure.