Ghiti, Stele e i lôr amîs a rivin intal cjanâl Pedarç

“Il cjanâl Pedarç al è une des vot vals de Cjargne: no sin tant lontans di Prât di Cjargne! Se o cirìn cualchidun che si è pierdût, dal sigûr chel al è il Maçarot: al è un Sbilf che si piert simpri!”

e spieghe Bolp

“Cemût fasìno a cjatâlu?” e domande Stele a Bolp “O podìn domandâi a Ors! Lu ai viodût a passâ di ca che nol è tant” e rispuint Bolp

“Mandi Ors! Nus judaressistu a cjatâ il Maçarot? Si è pierdût come simpri!”
“Mandi! Sigûr! O crôt di vêlu viodût no tant lontan di chi: vignîtmi daûr!”

al rispuint Ors

Ors al cognòs une vore ben lis monts, e i nestris amîs i van daûr dal moment par cjatâ il Maçarot.

“Maçarot! Ti vin cjatât par fortune! Jo o soi Stele e lôr a son i miei amîs. O sin vignûts a judâti!”

i dîs Stele.

“Biadelore! No sai plui cemût fâ a rivâ insom de mont li che e je la mê cjase! Ce dismenteon che o soi!” al dîs gratantsi il cerneli
Ors conosce molto bene le montagne, e i nostri amici lo seguono frettolosamnete per trovare il Mazzarot

Ducj insiemi, saltuçant, a rivin

insom de mont

e a cjatin il cason di Maçarot. Lui dut content al dîs:

“Gracionis amîs! A riviodisi!”

“Mandi, mandi Maçarot! Cîr di no pierditi ancjemò!” al racomande Ghiti “Cjalait, cjalait: ve ca

une altre filastrocje!

In doi no si metin dacuardi, ma insiemi a sunaran un biel acuardi” e dîs Bolp

“Anìn fantats! Nus spiete une gnove aventure!”