Ghiti, Stele e i lôr amîs a rivin li dal Troi dai Sbilfs, a Prât di Cjargne

“Ce biel troi, al è chel dai Sbilfs: piçulis creaturis, par solit invisibilis, che a zuin e che si divertissin intai boscs!”

e spieghe Bolp ai amîs.

Tra il cipâ dai ucieluts, Ghiti e Stele a sintin cualchidun che al siviluce *Fiu Fiu*

“Ma ce brâf che tu sês a sivilâ!”

e dîs Stele
“Oh! No mi jeri inacuart che a fossin visitadôrs! Mandi a ducj, jo o soi Mignul e

o soi un Sbilf” al dîs saludantju cu la man

“O jeri daûr a cjaminâ tai boscs cirint la ispirazion par colorâ il gno cuadri gnûf; forsit voaltris o podês judâmi: se gjoldarìn tantonon!”

al dîs Mignul

“Ma sigûr ve! Anìn dai!” a rispuindin entusiascj i amîs. Cun pinei e temparis, Ghiti, Stele e chei altris a piturin la cjasute di tancj colôrs
“Al è stât pardabon divertent! O speri di cjatâ altris fruts par zuiâ ancjemò insiemi” al dîs Mignul
E la mape si ilumine di gnûf: “cualchidun il troi al à pierdût, ma cui che al è no si à savût” e dîs Bolp maraveade
“Alore anìn, pronts pe aventure! Mandi Mignul!”