Ghiti, Stele e i nestris amîs a rivin tes risultivis dal Vincjaruç

“O sin rivâts tes risultivis dal Vincjaruç! Cjalait, al è plen di ucieluts che a fasin il nît!”

e dîs Bolp

Tra i arbui si sintin rumôrs di see e di martiel, e i nestris amîs si svicinin a curiosâ

“Cheste cjasute e sarà pardabon une maravee! Oh, pardiane, no mi spietavi visitadôrs!”

al dîs un Sbilf cicinôs intant che al lavore

“Mandi jo o soi Ghiti, jê e je Stele e chescj a son i nestris amîs” al dîs svicinantsi

“Jo o soi Poleâr, o soi daûr a fâ une cjasute pai uciei: varessiso gust di judâmi?” al dîs Poleâr

“Sigûr!” a rispuindin i nestris amîs

*Punf punf! Punf punf!* si sint intant che a fasin sù la cjasute cun martiel e clauts!

“Ce biele cjasute! O domandarai a gno fradi Mignul di piturâle!” al dîs Poleâr

“Cui mai varessial dit che o sês fradis!” e dîs Stele

“Eh sì! A mi mi plasin lis robis plui pratichis, a lui la art: no lin simpri dacuardi, ma si volìn tant ben!” al rispuint Poleâr

“O sin contents di vêti judât, si sin divertîts pardabon” al dîs Ghiti

E ve une gnove filastrocje che e dîs “Cu la cjamese tal mont al è vignût, e cumò il so ramaçut al à pierdût”

“A riviodisi! Mandi!” al dîs Poleâr tornant a lavorâ

“A riviodisiiiii!”. E, saludant, i nestris amîs a tornin a partî par une gnove aventure