Ghiti, Stele e i nestris amîs a rivin sul troi dai arbui di risonance, a Valbrune

“O sin sul troi dai arbui di risonance: i arbui di cheste zone si ju dopre par fâ violins e altris struments!”

e spieghe a ducj Bolp
“Par chest si clamin cussì”

“Alore al è come se al fos un troi de musiche!”

e dîs maraveade Stele
Tra i arbui, i amîs a sintin lis vôs di doi Sbilfs che a discutin

“Ce cjançons sunìno vuê?” al dîs il prin
“O podaressin sunâ

Mozart o Beethoven!

” al rispuint il secont
“E parcè no Scjaraçule maraçule?!”
al dîs di gnûf il prin

I amîs, che intant si son svicinâts, a provin a inframetisi inte discussion disint

“Al sarès biel inventâ une cjançon ducj insiemi, ce pensaiso?!”

I doi Sbilfs a disìn contents “O vês propit reson, sunìn insiemi, dai!”
Tantis notis e melodiis a discjadenin une sensazion di zoie e di serenitât!

“Ce maravee, ce divertiment… Bielonon! Si viodìn in curt! Maman!” al dîs Ghiti
“Mandi mandi!” a rispuindin i doi Sbilfs sodisfats.
Prime che i amîs a tornin a inviâsi, ve che e ven fûr une gnove filastrocje:

“Un grant e un piçul, un il poleâr chel altri il dêt piçul”

. E vie che a partissin pe enesime aventure!