Flabis e liendis
”Ce gnot plene di stelis!”
e disè Stele cjalant maraveade il cîl..
Cheste e je ore di lâ te scune! Sot des cuviertis tal gno jetut o scolti lis contis... ma tropis storiis mi coventino par fâmi indurmidî?
“Ma sâstu che nô besteutis o sin bravononis di contâ lis contis?”
“Pardabon?”
“Sigûr: ogni sere si 'nt contìn une prime di indurmidîsi. E o vin di sedi bulos! Cjape Ors, che al va in letarc e al duar par mês! Pense a tropis contis che al à bisugne di sintî par ronfâ cussì tant!”
“Mi puedistu contâ une?”
Il Friûl al è une tiere siore di flabis e di creaturis fantastichis: sbilfs, guriuts, l’orcolat, cjalçuts e tancj altris. Cualchi testemoneance su di lôr, tra lis plui folcloristichis e particolârs, e rive dal nestri presint, ancje dai agns Otante e dai prins agns dal Doi mil. Chest al dimostre che il confin tra il reâl e il fantastic al è une vore lizêr, cuasi di no rivâ a tocjâlu ancjemò in dì di vuê. L’obietîf di cheste sezion di Ghiti al è chel di contâ chestis storiis e di stiçâ a contâlis. No son dome lis pagjinis che il frut plui grant al rive a viodi di bessôl, ma une risultive di contis pe buine gnot che il gjenitôr al pues lei insiemi cun lui, tra une peraule e un figot.