Ghiti

Cheste sezion e ten dentri cetancj cartons animâts in lenghe furlane, condividûts dal sît de ARLeF, o ben:

“La Pimpa”, la simpatiche cjiçute blancje a balins ros, creade di Altan.

“Rite & Cjossul”, che al conte des bielis zornadis che a passin Rite, une frute di cinc agns, e Cjossul, il so cjan poltron e cidin che al sa a fevelâ.

“Free & Ulli”, un grant crot e une piçule moscje, i doi personaçs che i fruts a àn imparât a volêur ben cun “Maman!”, la prime trasmission televisive par fruts dute in lenghe furlane.

“Âf blu”, la aventure di une âf blu, un colôr strani par une âf. Al è ideât, scrit, musicât, interpretât, dissegnât e animât ad implen di professioniscj furlans.

“Flon Flon e Musute”, version in lenghe furlane di “Flon Flon e Musette”, libri ilustrât di Elzbieta. Al conte la storie di doi cuninuts amîs che ogni dì si cjatin insiemi par zuiâ, fin che une matine tal puest dal riul a cjatin une cise di spinis e no puedin plui viodisi, parcè che Musute “e je di chê altre bande de vuere”.

“Babarut”, carton animât che al propon la version furlane di Giorgio Ferigo di “Historie du Babar”, flabe di Jean De Brunhoff metude in musiche di Francis Poulenc.