Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: Ocjo ai coriandui (4). Al è rivât Carnevâl e Siôr Timp si è travistît di gjat par cori daûr aes surîs: chest al è il periodi dai scherçs e dai travistiments. Il carnevâl al è un periodi di fieste cun sfiladis publichis di cjars e di mascaris, chês plui tradizionâls (Pierrot, Pulcinele, Brighele, Arlechin, Facanape) a chês plui modernis. Chiara si ricuarde di une filastrocje imparade a scuele su Arlechin e le fâs scoltâ a Daria; la amie invezit e intone une cjançon imparade cul mestri Flaviano Miani “Ocjo ai coriandui”: lis dôs amiis a cjantin insiemi. Chiara e prepare un scherç par Daria che e à pôre dai ragns: e fâs un pachet regâl cuntun pâr di manecis dulà che e scuint un ragn pustiç. Daria invezit e à preparât par Chiara un vier che a jê no i plâs par nuie. Lis dôs si scambiin i regâi e a berlin spauridis, tant che dôs matis. Ma daûr dal arbul di Maman! al è scuindût Siôr Timp che, par zûc, lis jemple di une grande ploie di coriandui. Lis dôs amiis a lein la storie “Il barbe çucon” di Roberta Garlatti cu lis traduzions di Giancarlo Begotti (Ed. Libro parlato). Daria, sot sere, e conte la sô zornade di Carnevâl a Vigji.
Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche
Contats:
arlef@regione.fvg.it
maman@tvstar.com