CHE BELLO CON GLI AMICI
Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a fasin zûcs, a contin barzaletis e a lein contis.
In cheste pontade: Ce biel stâ cui amîs (22). Chiara e telefone a Daria e le invide a cjase sô par un Pigjame party. Daria e scomence a preparâ la valîs cun dut ce che al covente pe serade: il pigjame, il spacetin di dincj, i stropui pes orelis, il zûc dal Memory e lis cjartis. Rivade a cjase di Chiara, lis dôs amiis a zuin di Memory e dopo a fasin la lote cui cussins; infin, a metin il pigjame e si lavin i dincj. Chiara e à sium e si indurmidìs daurman ma Daria no rive a durmî e e scomence a contâ lis piorutis, dopo e lei il libri di GjatUT; alore Chiara, plene di sium, e scomence a contâi une storie e a chel pont Daria si indurmidìs. Siôr Timp al à savût che lis sôs amiis a duarmin insiemi e al prepare par lôr une torte, cussì al sune il campanel a cjase di Chiara par fâ gulizion ducj insiemi. Lis fantatis, tant contentis, a intonin la cjançon “Ce biel cui amîs”.
Condutoris e autoris: Daria Miani e Chiara Donada Cu la partecipazion di: Manuel Buttus Responsabil di produzion pe ARLeF: William Cisilino Coordenament gjenerâl: Vittorio Vella (Deltastudios) Regjie: Luca Fornasiero Musichis origjinâls: Flaviano Miani (musiche), Daria Miani (peraulis) Animazion sigle: Pierangelo Buttazzoni e Davide Nicolicchia Consulence linguistiche e otimizazion: Linda Picco e Elena Zanussi (Calt sas) Durade: 20 minûts cirche
Contats: arlef@regione.fvg.it maman@tvstar.com