Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: Mangjâ san (14). Daria e varès di metisi in diete parcè che masse dolçs e cragnis i fasin mâl, ma propit no rive! In graciis di Chiara e dai siei conseis, però, Daria e capìs che mangjâ san al è une vore impuartant pe proprie salût. Chiara e Daria, intune cui amîs Free & Ulli, cjantant e zuiant nus insegnin ce che al è miôr no mangjâ, e che par cressi sans e fuarts al è impuartant mangjâ in maniere varie ma cence esagjerâ. Vigji nol è sigûr che Daria si sedi metude in diete ma al scugnarà in curt ricrodisi parcè che ancje lui al varà di condividi la sielte de sô paroncine par mantignîsi in forme.
Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche
Contats:
arlef@regione.fvg.it
maman@tvstar.com