Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: L’emigrant (8). Il TG Maman, il Telegjornâl par furlan, si vierç cu la notizie che la trasmission di Maman! e je rivade fintremai in Argjentine, a Avellaneda di Sante Fe. Daria, in direte, e conte che in Argjentine, in graciis di un progjet sostignût de Regjon F-VJ, a son daûr a fâ laboratoris di lenghe, culture e danzis furlanis pai fruts (4/15 agns) e pai adults che a vivin li e che a son, pe plui part, di origjin furlane. In graciis di chest progjet, clamât “Ancje cun Maman! si impare il furlan”, Daria e à podût cognossi Avellaneda, fondade intal 1879 di une comunitât di furlans, e ancje Renè Scarpin che al fevele ancjemò furlan e che al conte de sô famee emigrade. Dopo vê cjantât “L’emigrant”, fat zûcs e induvinei, invidât i fruts a mandâ i lôr dissens e videos, Daria si rilasse tal tinel cul so gjatut Vigji e i conte lis aventuris in Argjentine, mostrantji ducj i regâi che e à vût da siei gnûfs amîs.
Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche
Contats:
arlef@regione.fvg.it
maman@tvstar.com