Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute cun tancj colôrs a son a stâ Daria e il gjatut Vigji che a passin dopomisdîs tant divertents cjantant cjançons, zuiant, contant barzaletis e leìnt storiis. A ogni pontade a tuchin te puarte ospits simpatics, ognidun cuntune storie particolâr: cjantants, scritôrs, ilustradôrs, insegnants, mâcs, cjantautôrs, atôrs, comics, musiciscj, cogos e tancj altris. A inricjî ogni apontament a son tantis rubrichis: “A ogni frut il so librut”, dedicade ae leture di un libri ilustrât in lenghe furlane; il “Zûc”, cu lis ilustrazions di “Alc&Cè”, insert de “La Vite Catoliche”; “Master Cogo Furlan”, cu la preparazion di golosets facii di fâ; “99 peraulis”, lis cjartis ilustradis par imparâ peraulis gnovis in plui lenghis; i “Mûts di dî” e il spazi dedicât ai videos mandâts dai fruts di cjase. Ae fin, pai adults, une videointerviste curte dal progjet “Cressi cun plui lenghis” par informâ e par sensibilizâ i gjenitôrs, i nonos e i educadôrs sui vantaçs dal plurilinguisim.
In cheste pontade (3). E je rivade la Befane: e svole cu la sô scove puartant un sac plen di regâi pai fruts e e cjante la sô biele cjançon. Al tache a plovi, e Daria e sint une vôs che le clame dal zardin: e je Arianna che e à bisugne di une ombrene par tornâ a cjase. Arianna e je une mestre di musiche e viodint un piano dentri cjase si met a sunâ e e insegne a Daria la “Cjançon dal Arc di San Marc”: lis dôs a cjantin insiemi e Daria e va daûr de melodie sunant il flaut traviers. Al mole di plovi e al ven fûr un Arc di San Marc maraveôs! Saludade la ospite, Daria e fâs il zûc di Alc&Cè, e lei il libri “Tinde intal bosc” di A. Plazzotta e M. Comelli, e insegne cualchi gnove peraule cun “99 Peraulis” e un gnûf mût di dî, si gjolt i videos mandâts di cjase dai telespetatôrs di Maman!, e infin si rilasse intal tinel cul so gjatut Vigji contantji lis aventuris de zornade. In sieradure, pai gjenitôrs, e va in onde une videointerviste curte a Patrizia Pavatti: “Cemût funzionial l'insegnament de lenghe furlane?”
Condutore e autore: Daria Miani
Regjie: Luca Fornasiero
Musiche: Flaviano Miani
Redazion e consulence linguistiche ARLeF: Priscilla De Agostini, Linda Picco, Miriam Pupini
Responsabil dal progjet pe ARLeF: William Cisilino
Coordenament pe ARLeF: Priscilla De Agostini
Sigle Maman!: vôs e peraulis di Daria Miani, musiche di Flaviano Miani, foto di Silvia Raber, animazion di Pierangelo Buttazzoni e Davide Nicolicchia
Logo Maman!: Calt Udin
Durade: 20 minûts cirche
Contats:
arlef@regione.fvg.it
maman@tvstar.com