Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: E cole la ploie (2). Al plûf, al plûf, al plûf… e Daria e je avilide parcè che al è za di cualchi dì che no va fûr a zuiâ tal viert. Stufe, e clame Chiara che le invide a lâ fûr parcè che, cuant che al plûf, no si scuen par fuarce stâ in cjase: al baste dome vistîsi ben e cussì no si inmalisi. Lis dôs, ben vistudis, a van fûr tal zardin e a cjantin une cjançon che a vevin imparât a scuele e che a intonavin ogni volte che al scomençave a plovi: “E cole la ploie”. Siôr Timp al conte che la ombrene e je stade inventade in Cine, nassude in principi par parâsi dal soreli, e puartade di rês e di regjinis. Cognossude ancje in Egjit, e à scomençât plui tart a jessi doprade ancje pe ploie. Daria e Chiara a lein insiemi la storie “L’omenut de ploie” di Gianni Rodari. Ae fin de serade, Daria e conte a Vigji de sô zornade.
Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche
Contats:
arlef@regione.fvg.it
maman@tvstar.com