BUONA PASQUA
Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: Buine Pasche (12). A mancjin dome doi dîs a Pasche e Siôr Timp al à pensât di organizâ une biele cjace al tesaur pes sôs amiis: dome cuant che a risolvaran ducj i siei induvinei a rivaran ae lôr sorprese. Ur mandarà la colombe cuntun biliet intal bec che al varà dentri il prin indizi. Daria e Chiara a son daûr a zuiâ tal zardin cuant che a viodin il bilietut puartât de colombe: lu vierzin e a cjatin i auguris di buine Pasche di Siôr Timp cun ancje la promesse di un regalut, di concuistâ però! Lis dôs amiis a scomencin alore la cjace al tesaur fin che no cjatin sot de taule de cusine un biel ûf di Pasche cuntun biliet di auguris. Si prometin di spietâ Pasche par vierzi l'ûf, ancje se a varessin pardabon gole di mangjâ un pocje di cjocolate. Lis dôs amiis a cjantin “Buine Pasche jo tal dîs” e dopo Daria e conte a Vigji di ducj i preparatîfs pe Pasche.
Condutoris e autoris: Daria Miani e Chiara Donada Cu la partecipazion di: Manuel Buttus Responsabil di produzion pe ARLeF: William Cisilino Coordenament gjenerâl: Vittorio Vella (Deltastudios) Regjie: Luca Fornasiero Musichis origjinâls: Flaviano Miani (musiche), Daria Miani (peraulis) Animazion sigle: Pierangelo Buttazzoni e Davide Nicolicchia Consulence linguistiche e otimizazion: Linda Picco e Elena Zanussi (Calt sas) Durade: 20 minûts cirche
Contats: arlef@regione.fvg.it maman@tvstar.com