IN GIRO PER IL FRIULI
Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: Ator pal Friûl (20). Siôr Timp al à in man une bussule par individuâ i ponts cardinâi: al zirarà il Friûl par scuvierzi gnûfs puescj, judantsi cun bussule e cjartine. Chiara e Daria a preparin il russac: ancje lôr a son in partence. Daria e va su la Mont sante dal Lussari, e recite une preiere ancje par Chiara e i compre une cartuline. Chiara e je a San Denêl te Biblioteche Vuarneriane, e dopo in Domo: par Daria e compre persut di San Denêl. De Mont sante dal Lussari, Daria e va a Cividât e, sul Puint dal diaul sul Nadison, e mostre la fete di Gubane comprade par Chiara. Chiara e va a Lignan, e cui cjatie? Daria, ancje jê lade jù fin al mâr! Lis dôs amiis a cjantin alore la cjançon “Ator pal Friûl” e, a zornade finide, Daria e ricjape lis sôs contis cun Vigji.
Condutoris e autoris: Daria Miani e Chiara Donada Cu la partecipazion di: Manuel Buttus Responsabil di produzion pe ARLeF: William Cisilino Coordenament gjenerâl: Vittorio Vella (Deltastudios) Regjie: Luca Fornasiero Musichis origjinâls: Flaviano Miani (musiche), Daria Miani (peraulis) Animazion sigle: Pierangelo Buttazzoni e Davide Nicolicchia Consulence linguistiche e otimizazion: Linda Picco e Elena Zanussi (Calt sas) Durade: 20 minûts cirche
Contats: arlef@regione.fvg.it maman@tvstar.com