O VIN DI SALUDÂSI
Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: O vin di saludâsi (23). E je la ultime pontade de seconde edizion di Maman! E Chiara e Siôr Timp a son une vore displasûts, ma Daria ju confuarte: cumò al è il moment des feriis ma dopo, in Otubar, Maman! al tornarà a scomençâ! Daria e à preparât lis storiis e un video, di cjalâ ducj insiemi, cui moments plui divertents de seconde stagjon. Dut al è scomençât ai 12 di Zenâr dal 2018 cuant che i trê si son cjatâts par zuiâ cu la nêf; dopo, in Març, a àn cjalât di dongje i sbilfs, e a carnevâl si son stravistîts; cu la biele stagjon, Siôr Timp al à fat un zîr par scuvierzi lis citâts dal Friûl, e dopo si son divertîts a rapresentâ une storie fate cu lis mans; e chê volte che Daria e à insegnât a Chiara a balâ e Siôr Timp al à fat la cjace al tesaur? Finît il video, si metin a cjantâ “Maman cjars frutins o vin di saludâsi”.
Condutoris e autoris: Daria Miani e Chiara Donada Cu la partecipazion di: Manuel Buttus Responsabil di produzion pe ARLeF: William Cisilino Coordenament gjenerâl: Vittorio Vella (Deltastudios) Regjie: Luca Fornasiero Musichis origjinâls: Flaviano Miani (musiche), Daria Miani (peraulis) Animazion sigle: Pierangelo Buttazzoni e Davide Nicolicchia Consulence linguistiche e otimizazion: Linda Picco e Elena Zanussi (Calt sas) Durade: 20 minûts cirche
Contats: arlef@regione.fvg.it maman@tvstar.com