Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e rive a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a fasin zûcs, a contin barzaletis, e a lein contis.
In cheste pontade: Barbe Nadâl (11). In cheste pontade Daria, Chiara e Siôr Timp si impensin, cjalant insiemi il notiziari che a dan par television, che al è daûr a rivâ l’Invier, dret de Argjentine. Duncje si organizin cun cuviertis e vistîts cjalts e a tachin a pensâ cemût organizâ lis fiestis e meti jù la letare par Barbe Nadâl. Dopo vê cjantade la cjançon “Barbe Nadâl”, ducj i trê a tachin a scrivi la letarute: Siôr Timp al domande di vê une golarine di meti l’ultin dal an, un pâr di ocjâi di soreli, e doi regaluts par Daria e Chiara. Daria e domande par Vigji un imprest par fâ lis ongulis e, simpri par lui, un vistidut ros come chel di Barbe Nadâl. Chiara e volarès un profum ma e à miôr domandâ fortune par ducj e un ordenadôr par Daria. Ancje Vigji al à fat la sô letarute.
Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Tommaso Ravo
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche
Contats:
arlef@regione.fvg.it
maman@tvstar.com