Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: La dì di Sant Valantin (17). Vuê al somee che a Maman! ducj a vedin il cjâf a nolis. Daria e cjante e si fâs biele par un apontament romantic, Chiara e scrîf poesiis dolcis e Ulli al torzeone straviât cuntune clâf in man. Ce saraial mai sucedût? Ma al è clâr: ai 14 di Fevrâr e je la dì di Sant Valantin, la fieste dedicade a dutis lis personis inamoradis! In Friûl e je une fieste tant antighe e a Udin, in borc di Praclûs, e je une glesie dedicade propit a Sant Valentin: in cheste zornade, intal borc al è ancjemò costum celebrâ la ricorence zirant tra i barachins preparâts pe ocasion, e fâ cul pan i colaçs a forme di 8 e lis clâfs di Sant Valentin, simbui di protezion e vuarison. Ae fin de zornade, Daria e rasone cun Vigji sul valôr dal amôr e sul fat che lis personis che ti amin pardabon ti presein par cemût che tu sês e cence cundizions.
Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche
Contats:
arlef@regione.fvg.it
maman@tvstar.com