Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: E rive Pasche (26). A son rivadis lis vacancis di Pasche, e al è ben tacâ cui preparatîfs. E stant che di simpri il simbul de Pasche al è l'ûf pai tancj significâts che al puarte cun se, Daria e Chiara a decidin di fâ un lavorut une vore divertent: a colorin i ûfs dûrs, che si dopraran tant che segnepuest pal gustâ di Pasche o par fâju rodolâ il lunis di Pasche. Finît il lavorut, Daria e Chiara a cjantin insiemi la cjançon “Finide la cuaresime”, che e anunzie propit che e je daûr a rivâ Pasche. Ancje il libri che a sielzin di lei, “Aiar di Burascje” (La Grame edizions) al è significatîf massime pal periodi che e cole la Pasche, cuant che zornadis di soreli si alternin a moments di ploie improvise.
Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche
Contats:
arlef@regione.fvg.it
maman@tvstar.com