Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: I struments musicâi (7). Daria si esercite cul flaut traviers sunant la sigle di Maman! In cheste pontade nus fâs cognossi diviers struments musicâi e, in graciis ancje di une serie di ospits speciâi, ju sintìn ancje sunâ: il flaut dolç o dret e il flaut traviers lu spieghe e lu sune Daria, la ghitare Joaquìn, l’ukulele Vicki, la sunete Ingrid, il clarinet Flaviano, il piano a code Vittorio e la pianole Cande e Clare. Dopo vê cjantât “I struments musicâi”, fat zûcs e induvinei, Daria si rilasse intal tinel cul so gjatut Vigji e i conte lis aventuris de zornade. Ae fin, Vigji al prove a esercitâsi cul flaut, ma al è… un disastri, un vêr pericul pes orelis!
Condutoris e autoris: Daria Miani e Chiara Donada
Cu la partecipazion di: Silvia Piani, Silvia Gazzetta (Free & Ulli), Joaquìn, Vicki, Ingrid, Flaviano, Vittorio, Cande, Clare
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche
Contats:
arlef@regione.fvg.it
maman@tvstar.com